काठमाण्डौ । पछिल्लो २४ घण्टामा देशभर १ हजार २०१ कोरोना संक्रमित थपिएका छन् । योसँगै हालसम्म कुल संक्रमित हुनेको संख्या ५३ हजार १२० पुगेको छ । 

पछिल्लो अवधिमा देशभरबाट ८५२ संक्रमित निको भएर घर फर्किएका छन् । योसहित कुल डिस्चार्ज हुनेहरुको संख्या ३७ हजार ५२४ रहेको छ । कुल संक्रमितमा निको हुने दर ७०.६ प्रतिशत रहेको छ । 

पछिल्लो २४ घण्टामा देशभर १० हजार १७६ जनाको पीसीआर परीक्षण भएको छ । योसहित हालसम्मको कुल पीसीआर परीक्षण भएको संख्या ८ लाख ३१ हजार ३६२ पुगेको स्वास्थ्य मन्त्रालयले जनाएको छ । 

पछिल्लो अवधिमा थप १४ संक्रमितको मृत्यु भएको छ । योसहित कोरोनाका कारण मृत्यु हुनेको संख्या ३३६ पुगेको छ ।