काठमाण्डौ । पछिल्लो २४ घण्टामा नेपालमा १ हजार ३९ कोरोना संक्रमित थपिएका छन् । 

योसहित नेपालमा कुल कोरोना संक्रमितको संख्या ५४ हजार १५९ पुगेको छ । 

यही अवधिमा देशभरबाट १ हजार १७३ कोरोना संक्रमित डिस्चार्ज भएका छन् । योसहित कुल डिस्चार्ज हुने संक्रमिको संख्या ३८ हजार ६९७ पुगेको स्वास्थ्य मन्त्रालयले जनाएको छ । 

हाल देशमा सक्रिय संक्रमितको संख्या १५ हजार ११७ रहेको छ । 

पछिल्लो २४ घण्टामा थप ९ संक्रमितको मृत्यु भएको छ । योसहित हालसम्म देशमा कोरोनाका कारण मृत्यु हुनेको संख्या ३४५ पुगेको छ। 

सरकारले गत २४ घण्टामा ९ हजार १६५ जनाको स्वाब परीक्षण गरेको बताइएको छ ।