काठमाण्डौ । पछिल्लो २४ घण्टामा देशभर १ हजार ४५९ कोरोना संक्रमित थपिएका छन् । 

देशभर १० हजार ३७५ पीसीआर परीक्षण गर्दा १४५९ संक्रमित फेला परेका हुन् । 

यही अवधिमा देशभरबाट १ हजार ६२ संक्रमित निको भएर घर फर्किएका छन् । 

यसरी हेर्दा हालसम्म नेपालमा कुल संक्रमितको संख्या ५६ हजार ७८८ पुगेको छ भने निको हुनेको संख्या ४० हजार ६३८ रहेको छ । 

पछिल्लो अवधिमा ११ संक्रमितको मृत्यु भएको छ । योसहित कोरोनाबाट हालसम्म कुल मृत्यु हुनेको संख्या ३७१ पुगेको छ । 

हाल देशभर सक्रिय संक्रमितको संख्या १५ हजार ७७९ रहेको छ ।