काठमाण्डौ । गत २४ घण्टामा १ हजार ४४२ कोरोना संक्रमित थपिएका छन् । 

देशभर ६ हजार ७३१ जनाको पीसीआर टेस्ट गर्दा १ हजार ४४२ जनाको रिपोर्ट पोजिटिभ आएको हो । 

थपिएको संख्यासहित नेपालमा कोरोना संक्रमितहरुको कुल संख्या २ लाख १२ हजार ९१७ पुगेको छ । 

पछिल्लो २४ घण्टामा देशभरबाट ३ हजार ५३८ संक्रमित निको भएका छन् । योसहित कुल निको हुनेको संख्या १ लाख ८२ हजार ७८० पुगेको छ भने निको हुने दर ८६ प्रतिशत हाराहारीमा पुगेको छ । 

बुधबारसम्म देशभर सक्रिय कोरोना संक्रमितको संख्या घटेर २८ हजार ८७८ जनामा सीमित बन्न पुगेको छ । 

गत २४ घण्टामा देशभरका थप १२ कोरोना संक्रमितको मृत्यु भएको छ । योसहित कोरोना संक्रमणबाट मृत्यु हुनेहरुको कुल संख्या १ हजार २५९ पुगेको छ । मृत्यु हुने दर ०.५९ प्रतिशत रहेको छ ।