काठमाण्डौ । पछिल्लो २४ घण्टामा देशभर ६२९ थप कोरोना संक्रमितको पहिचान भएको छ । 

योसँगै कुल संक्रमितको संख्या १० हजार ७२८ पुगेको स्वास्थ्य तथा जनसंख्या मन्त्रालयले जनाएको छ । 

संक्रमितहरु फेला पर्ने क्रम बढिरहँदा कोरोनामाथि जित हासिल गरी डिस्चार्ज हुनेको संख्या समेत बढिरहेको छ । जसअनुसार पछिल्लो २४ घण्टामा देशका विभिन्न अस्पतालबाट ११४ जना डिस्चार्ज भएका छन् । योसहित कुल डिस्चार्ज हुनेको संख्या २ हजार ३३८ पुगेको स्वास्थ्य मन्त्रालयले नियमित पत्रकार सम्मेलनमार्फत जानकारी गराएको छ ।