काठमाण्डौ । नेकपा एमालेका दुई प्रभावशाली नेतालाई कोरोना संक्रमण पुष्टि भएको छ । 

एमालेका पूर्व अध्यक्ष तथा पूर्व प्रधानमन्त्री, वरिष्ठ नेता झलनाथ खनाललाई कोरोना संक्रमण पुष्टि भएको हो ।

यस्तै, पार्टीमा वैचारिक नेताको रुपमा क्रियाशील अर्का नेता मोदनाथ प्रश्रितलाई पनि कोरोना संक्रमण पुष्टि भएको छ । 

उनीहरु दुवैजनालाई सोह्रखुट्टेस्थित मनमोहन मेमोरियल अस्पतालमा भर्ना गरिएको पार्टीका एक केन्द्रीय सदस्यले जानकारी दिए । दुवैको अवस्था सामान्य छ । 

यसैबीच, कोरोना संक्रमति भई उपचाररत पूर्व प्रधानसेनापति रुक्मांगत कट्वालको अवस्था गम्भीर बनेको छ । उनलाई आइसीयूमा राखेर उपचार भइरहेको उनको पारिवारिक स्रोतले जानकारी दिएको छ । उनलाई डेढ साताअघि कोरोना संक्रमण भए पनि अवस्थामा सुधार हुन सकेको छैन ।