काठमाण्डौ । प्रधानमन्त्री पुष्पकमल दाहाल प्रचण्डले सरकारले अबका दिनमा ठूला गेमचेन्जर जलविद्युत आयोजना ध्यान केन्द्रित गर्ने बताएका छन् ।

मंगलबार सरकारको एक वर्ष पुगेको अवसरमा राष्ट्रका नाममा सम्बोधन गर्दै प्रधानमन्त्री प्रचण्डले बुढीगण्डकी, माथिल्लो अरुण जलविद्युत् आयोजनालगायतका गेमचेन्जर जलविद्युत आयोजनाको प्रक्रिया अघि बढाउने  योजनामा सरकार केन्द्रित रहेको बताए ।

साथै  उनले पछिल्लो एक वर्षमा जलविद्युतको क्षेत्रमा ८० वर्ष बराबरको काम भएको पनि दाबी गरेका छन् ।
उनले ४०० मेगावाटसम्म बिजुली निकासी गरेर  १५ अर्ब २७ करोड विदेशी मुद्रा आर्जन गरेको बताए।

उनका अनुसार अघिल्लो वर्षको सोही अवधिको तुलनामा यो ३१.२८ प्रतिशतले बढी हो।