काठमाण्डौ । पछिल्लो २४ घण्टामा नेपालमा १३९ कोरोना संक्रमित थपिएका छन् । 

यही अवधिमा कोरोनामाथि जित हासिल गरी घर फर्किनको संख्या भने ६२६जना रहेको छ । 

स्वास्थ्य तथा जनसंख्या मन्त्रालयका अनुसार थपिएको संख्या समेत जोड्दा नेपालमा कोरोना संक्रमितको कुल संख्या १८ हजार ७५२ पुगेको छ । 

यस्तै, डिस्चार्ज हुनेको संख्या १३ हजार ७५४ पुगेको छ । अब देशभर ५ हजार ४४० सक्रिय संक्रमित छन्। यसरी हिसाब गर्दा कुल संक्रमितमध्ये ७३.३४ प्रतिशत निको भएका छन् । 

नेपालमा हालसम्म ३ लाख ४७ हजार २७५ जनाको पिसिआर परीक्षण भएको मन्त्रालयले जनाएको छ । 

हालसम्म कोरोना भाइरसको संक्रमण देखिएका ४८ जनाको मृत्यु भइसकेको छ । यीमध्ये केहीको मृत्युपछि मात्रै कोरोना पुष्टि भएको थियो । अधिकांश मृतक दीर्घरोगी थिए ।