काठमाण्डौ । नेपालमा कोरोना भाइरस संक्रमितको संख्या ४२७ पुगेको छ । 

स्वास्थ्य मन्त्रालयका प्रवक्ता डा. विकास देवकोटाका अनुसार बुधबार बिहानदेखि दिउँसोसम्ममा २५ संक्रमित थपिएपछि कुल संख्या ४२७ पुगेको हो । 

थपिएका संक्रमितहरुको उमेर ३ देखि ४८ वर्ष रहेको छ । उनीहरुमध्ये १८ पुरुष र ७ महिला रहेका डा. देवकोटाले जानकारी दिए ।

थप संक्रमितहरुमा धनकुटाका ५ जना रहेका छन् । यीमध्ये ४ पुरुष र एक महिला छन् । 

यस्तै, बाँकेमा बाँकेमा ६ पुरुषमा समेत संक्रमण पुष्टि भएको छ । 

साथै कपिलवस्तुमा १३ जनामा र नवलपरासीमा थप १ जनामा संक्रमण देखिएको छ । 

नेपालमा हालसम्म कोरोना संक्रमणबाट २ जनाको ज्यान गइसकेको छ भने ४५ जना निको भएर फर्किएका छन् ।