दोश्रो बजारमा अंकित दरमै सेयर फालाफाल(सस्तो सेयरमूल्य भएका कम्पनीको सूचिसहित)

काठमाण्डौ ।  सेयर बजारमा बियरिस ट्रेण्ड छ हिजोआज । हरेक दिनजसो बजार घटिरहेको छ भने कारोबार रकम पनि न्यून विन्दूमा झरेको छ । दोश्रो बजार कारोबार अत्यासलाग्दो गरी सुस्ताइरहेको बेला कतिपय कम्पनीहरुको सेयर आइपीओकै मूल्यमा पाउन थालिएको छ भने कतिपयको मूल्य त अंकित मूल्य भन्दा पनि तल झर्ने अवस्था आएपछि लगानीकर्ता अत्तालिएका छन् । 

हामीले सोमबार कारोबार गरेका कम्पनीको अन्तिम बिक्री मूल्यका आधारमा प्रतिकित्ता १५० र त्यसभन्दा कम भएका कम्पनीको सूचि तयार गरेका छौ । १५० र त्यसभन्दा कम मूल्य कायम हुने कुल कम्पनीको संख्या १३० रहेको छ । जसमध्ये सबैभन्दा बढी विकास बैंक रहेका छन् भने फाइनान्स कम्पनी १०, जलविद्युत कम्पनी ६ र वाणिज्य बैंक २ वटा रहेका छन् । 

यी ३० कम्पनीमध्ये जेबिल्स फाइनान्सको अवस्था निकै नाजुक बनेको छ । यो कम्पनीको सेयर मूल्य अंकित दरजतिकै प्रतिकित्ता १०० रुपैयाँ कायम भएको छ । बजारमा बियरिस टेण्ड रहेकोले यो मूल्य अझ घट्ने देखिन्छ, जसको सोझो असर उसले बिक्री खुलाएको हकप्रदमा पर्ने देखिन्छ । 

यो फाइनान्सले असार १० गतेदेखि ४० प्रतिशतको दरले कुल २३ लाख ११ हजार ६ सय ५० कित्ता हकप्रदको बिक्री खुलाएको छ । साउन १३ गतेसम्म आवेदन दिइसक्नुपर्ने हकप्रद भर्ने या नभर्ने भन्ने बिषयमा बैंककै सेयरधनी समेत अलमलमा परेका छन् । दोश्रो बजारको भाउ प्रतिकित्ता नै अंकित दर भन्दा तल झरेपछि यो कम्पनीको हकप्रद बिक्री नहुने संभावना प्रवल बनेको छ । यस्तो अवस्थामा यो कम्पनीको हकप्रदमा कुनै पनि आवेदन नपर्नसक्छ वा परिहाले पनि अत्यन्त न्यून मात्र पर्नसक्छ । किनभने आइपीओकै दरमा दोश्रो बजारमा यो कम्पनीको सेयर फालाफाल हुनेपछि सेयरधनीले हकप्रद भरिरहनुपर्ने कुनै आवश्यकता पर्दैन । 

जेबिल्स फाइनान्सपछि कर्पोरेट डेभलपमेन्ट बैंकको मूल्य समेत १०४ रुपैयाँमा झरेको छ । यस्तै, दिव्यश्वरी हाइडोको प्रतिकित्ता ११०, गोर्खाज फाइनान्सको १०९ मा मूल्य झरिसकेको छ । मेगा बैंकको संस्थापक सेयरको मूल्य समेत प्रतिकित्ता ११० मा झरेको छ । वल्र्ड मर्चेन्ट बैंकिङ एण्ड फाइनान्स लिमीटेडको मूल्य समेत ११० मै झरेको छ ।

अन्य कुन कम्पनीको मूल्य कतिमा झर्यो, हेर्नुहोस् यो सूचि: