काठमाण्डौ । नेपालमा ५८१ कोरोना संक्रमित थपिएका छन् । 

पछिल्लो २४ घण्टामा थपिएको यो संख्यासहित अब नेपालमा संक्रमित हुनेहरुको कुल संख्या २७ हजार २४१ पुगेको छ । 

पछिल्लो २४ घण्टामा देशभर ११ हजार ५२० जनाको पीसीआर परीक्षण गर्दा ५८१ जनामा संक्रमण भेटिएको स्वास्थ्य मन्त्रालयले जनाएको छ । 

पछिल्लो समय देशभरबाट १६० संक्रमित निको भएका छन् । योसहित कुल निको हुनेको संख्या १७ हजार ४९५ पुगेको छ । 

सरकारले हालसम्म ५ लाख २९ हजार ४२७ को पीसीआर परीक्षण गरिसकेको छ । 

सोमबारसम्म देशभर ११३ संक्रमित आइसियूमा उपचार गराइरहेका छन् । यीमध्ये सबैभन्दा धेरै बागमति प्रदेशमा ५९ जनाले आइसियूमा रहेर उपचार गराइरहेका छन् । बागमति प्रदेशकै ६ संक्रमित भेन्टिलेटरमा रहेका छन् ।