काठमाण्डौ । दोर्दी खोला जलविद्युत कम्पनी लिमिटेडको आईपीओमा आवेदन दिने आज (चैत ३१ गते) अन्तिम दिन रहेको छ। 

कम्पनीले गत जेठ २६ गतेदेखि आईपीओ निष्कासन गरेको छ। यो आईपीओमा आज बैंकिङ समयसम्म आवेदन दिन सकिने बिक्री प्रबन्धकमा सिद्धार्थ क्यापिटल लिमिटेडले जनाएको छ। 

कम्पनीले १०० अंकित दरले कुल २१ लाख ९५ हजार ५०९ कित्ता (आयोजना प्रभावित क्षेत्रका बासिन्दालाई छुट्याइएको सेयर बाँडफाँड गरी बिक्री हुन बाँकी रहेको २ लाख ९७ हजार ८४० कित्तासहित) आईपीओ सर्वसाधारणका लागि निष्कासन गरेको छ। कुल कित्तामध्ये १ लाख ९ हजार ७७५ कित्ता (५ प्रतिशत) सामूहिक लगानी कोष र ६५ हजार ८६५ कित्ता (३ प्रतिशत) कर्मचारीहरुका लागि छुट्याइएको छ। बाँकी २० लाख १९ हजार ८६९ कित्तामा  सर्वसाधारणले आवेदन दिन सक्नेछन्। 

लगानीकर्ताले यो आईपीओमा न्यूनतम १० कित्तादेखि अधिकतम १७ लाख कित्ताका लागि आवेदन दिन सक्नेछन्। लगानीकर्ताले सी–आस्बा सेवामा सहभागी बैंक तथा वित्तीय संस्था र तिनले तोकेका शाखाहरुबाट आवेदन दिन सक्नेछन्। सीडीएससीको मेरो सेयरमार्फत पनि आवेदन दिन सकिन्छ। 

सीडीएससीका अनुसार हिजो साँझ साढे ५ बजेसम्म यो आईपीओमा ११ लाख १४ हजार ८०६ अवेदकबाट कुल १ करोड २९ लाख ३२ हजार ६७० कित्ता सेयर माग भएको छ। जुन मागभन्दा ६.४० गुणाले बढी हो। 

मागभन्दा बढी आवेदन परेकै कारण यो आईपीओ गोलाप्रथाबाट बाँडफाँड हुनेछ। गोलाप्रथाबाट यो आईपीओमा २ लाख १ हजार ९८६ आवेदकले १० कित्ताका दरले सेयर पाउने छन्। तिनैमध्ये भाग्य ९ आवेदकले थप १–१ कित्ता सेयर पाउनेछन्।