दोश्रो बजारमा बम्पर सेल, आइपीओ मूल्यमै छानीछानी सेयर किन्ने अवसर

काठमाण्डौ । बजार घट्ने क्रम फेरि सुरु भएको छ । लामो समयसम्म घटेको बजारमा मुद्रा तथा पूँजीबजार सुधारका लागि अर्थमन्त्रीबाट गठित कार्यदलको प्रतिवेदन कार्यान्वयनका लागि सम्बद्ध पक्ष अग्रसर भएपछि केही दिन उछालको अवस्था देखिएको थियो । तर, उछालको यो प्रवृति धेरै दिन टिक्न सकेन । बजार फेरि निरन्तर ओरालो लागिरहेको छ । 

विश्लेषकहरुले यो समयलाई बजारमा सेल लागेको समय समेत भन्न भ्याएका छन् । यस्तो अवस्थामा आफ्नो कम्पनीको सेयर न्यून मूल्यमा बिक्री गरी बजारबाट बाहिरिनुको साटो होल्ड गर्न र पैसा हुनेले दोश्रो बजारमा निकै सस्तो मूल्यमा पाइने सेयर उठाउन विज्ञहरुले सुझाव दिइरहेका छन् । 

आश्चर्य नै मान्नुपर्छ, विज्ञहरुको यो सही सुझावलाई कार्यान्वयन गर्न नचाहने लगानीकर्ता निकै कमजोर ग्रेडका आइपीओमा पैसा हाल्न भने मरिहत्ते गरेर दौडिरहेका देखिन्छ । यसलाई आइपीओ भन्नेबित्तिकै मरिहत्ते गर्ने प्रवृतिको परिणाम भन्न सकिन्छ । ग्रेड ५ को रेटिङ पाएका कम्पनीका आइपीओ किन्न तँछाडमछाड गर्ने लगानीकर्ताले दोश्रो बजारमा आइपीओ भन्दा कम मूल्य र आइपीओकै हाराहारीमा फालाफाल पाइने सेयरको खरीदारीमा भने नजरअन्दाज गरिरहेका छन् । 

अहिलेको समयमा समेत दोश्रो बजारमा ७ कम्पनीको सेयर आइपीओ भन्दा पनि न्यून मूल्य र धेरै कम्पनीको सेयर आइपीओकै हाराहारीमा पाइराखिएको छ । 

सातवटा कम्पनीको सेयर मूल्य आइपीओ मूल्य रु. १०० भन्दा तल झरिसकेको छ । 

आँखुखोला जलविद्युत कम्पनी, दिव्यश्वरी हाइड्रो, खानीखोला हाइड्रो, नेशनल हाइड्रो, रिदी हाइड्रो र सिनर्जी पावरको मूल्य आइपीओभन्दा कम छ ।  कर्णाली विकास बैंकको दोश्रो बजार मूल्य १०० रुपैयाँ रहेको छ । यी ७ कम्पनीमध्ये सबैभन्दा कम नेशनल हाइड्रोको प्रतिकित्ता ६९ रुपैयाँ मात्र रहेको छ । 

दोश्रो बजारमा सूचिकृत अन्य २५ कम्पनीको मूल्य समेत आइपीओ नजिक छ । 

राष्ट्रिय स्तरका विकास बैंक ज्योति विकास बैंक र कामना सेवा विकास बैंकको मूल्य समेत आइपीओ नजिक छ । ज्योति विकास बैंकको मूल्य प्रतिकित्ता १३४ रुपैयाँ र कामना सेवाको मूल्य प्रतिकित्ता १३८ रुपैयाँ रहेको छ । देव विकास बैंकको मूल्य समेत रु. १२९ मा झरिसकेको छ । यस्तै, सांग्रीला डेभलपमेन्ट बैंकको सेयर मूल्य प्रतिकित्ता १३९ रुपैयाँ रहेको छ । 

जनता बैंक नेपालको संस्थापक सेयरको मूल्य समेत घटेर १२१ रुपैयाँमा झरिसकेको छ । 

रिलायन्स फाइनान्स, पोखरा फाइनान्स, जेबिल्स फाइनान्स, हाथ्वे फाइनान्स, गोर्खाज फाइनान्स, सेन्ट्रल फाइनान्स लगायतको मूल्य समेत आइपीओ नजिक पुगिसकेको छ । अन्य कुन कम्पनीको मूल्य घटेर कति पुग्यो ? हेरौं यो टेबल:

दोश्रो बजारमा सूचिकृत कम्पनीहरुको सेयरमा मात्र सेल लागेको छैन, म्युचुअल फण्डहरुमा समेत लगानीको उस्तै अवसर छ । ५ वटा म्युचुअल फण्डको प्रति इकाई खूद मूल्य १० रुपैयाँ भन्दा तल झरेको छ । 

सबैभन्दा कम लक्ष्मी इक्वीटी फण्डको मूल्य रहेको छ । यो स्किमको न्याभ ७.४१ रुपैयाँमा झरिसकेको छ । अन्यको मूल्य यसप्रकार छ: