काठमाण्डौ । धितोपत्रको दोस्रो बजार भोलि सोमबारदेखि सञ्चालन हुने भएको छ।

नेपाल धितोपत्र बोर्ड (सेबोन) का अध्यक्ष डा. भीष्मराज ढुुंगानाले आज आइतबार बसेको सेबोनको बोर्ड बैठकले भोलिबाट बजार खोल्ने निर्णय गरेको जानकारी दिए।

बजार खोल्ने विषयमा सेबोनद्वारा गठित समितिले बजार खोल्नुुपर्ने सुुझाव पेस गरेको थियो। सोही विषयमा कमिटी र सेबोन अध्यक्ष ढुंगानाबीच हिजो शनिबार लामो छलफल भएको थियो। 

हिजोको छलफलपछि आज बिहानैदेखि सेबोनको बोर्ड बैठक बसेको थियो। सोही बैठकले धितोपत्र दोस्रो बजार सोमबारबाट खोल्ने औपचारिक निर्णय गरेको हो।