निफ्राले विशेष आर्थिक क्षेत्रहरुको विकासमा सहकार्य गर्ने

काठमाण्डौ । नेपाल इन्फ्रास्ट्रक्चर बैंक लिमिटेड (निफ्रा) ले विशेष आर्थिक क्षेत्रहरुको विकास तथा कार्यान्वयनमा सहयोग गर्ने भएको छ। 

विशेष आर्थिक क्षेत्रहरुको विकास तथा कार्यान्वयनमा निफ्राले विशेष आर्थिक क्षेत्र प्राधिकरणसँग सहकार्य गर्ने भएको हो। यस सम्बन्धमा निफ्रा र प्राधिकरणबीच एक कार्यक्रमबीच समझदारीपत्रमा हस्ताक्षर भएको छ। उद्योग सचिव अर्जुनप्रसाद पोखरेलको उपस्थितिमा प्राधिकरणका तर्फबाट कार्यकारी निर्देशक बलराम रिज्याल र निफ्राका प्रमुख कार्यकारी अधिकृत रामकृष्ण खतिवडाले हस्ताक्षर गरेका छन्। 

अब निजी क्षेत्रको सहभागिता वा सार्वजनिक निजी साझेदारीमार्फत औद्योगिक पूर्वाधारमा लगानी, सोको विकास, निर्माण तथा सञ्चालनका लागि प्राधिकरण र निप्राmले आवश्यक सहकार्य गर्नेछन्। 

यो समझदारीपत्रको मूल उद्देश्य पाँचखाल विशेष आर्थिक क्षेत्र तथा सिमरामा अवस्थित विशेष आर्थिक क्षेत्र ब्लक ‘बी’ र ‘सी’ को प्राविधिक र आर्थिक प्राविधिक विश्लेषण, परियोजनाको बजारीकरण र विकासकर्ता छनौटका लागि आवश्यक सहयोग, निफ्राको अगुवाइमा स्वपुँजी तथा ऋण लगानीको व्यवस्थापन र आवश्यक अन्य प्राविधिक सहयोग र सहकार्य गरी सार्वजनिक निजी साझेदारीको माध्यमबाट विशेष आर्थिक क्षेत्रहरुको विकास तथा कार्यान्वयन गर्नु रहेको छ ।