काठमाण्डौ । नेपालका एकमात्र डलर अर्बपति विनोद चौधरी नेपाली कांग्रेसको केन्द्रीय सदस्यमा निर्वाचित भएका छन्।

कांग्रेसको १४ औँ महाधिवेशनबाट उद्योग चौधरी लोकप्रिय मत ल्याउँदै केन्द्रीय सदस्यमा निर्वाचित भएका हुन्। मधेसी आरक्षण कोटाबाट चौधरीसहित ५ जना निर्वाचित भएका छन्। 

मतगणनाअनुसार चौधरीले २२०६ मत प्राप्त गरेका छन्। सामाजिक सञ्जालमार्फत चौधरीले मतदाताप्रति आभार प्रकट गरेका छन्। 

चौधरीभन्दा धेरै अजय चौरासियाले २५२२ मत ल्याएर निर्वाचित भएका छन्। 

मधेसी आरक्षण कोटाबाट अन्य निर्वाचित केन्द्रीय सदस्यहरु चन्द्रमोहन यादव, महेन्द्रकुमार राय र दिनेश यादव छन्। उनीहरुले क्रमशः २१३८, १९८४ र१९५१ मत पाएका छन्।