काठमाण्डौ । शुक्रबार मात्रै देशका विभिन्न क्षेत्रमा गरी ५९ कोरोना संक्रमित थपिएका छन् । पछिल्लो पटक शुक्रबार राति थप ९ जनामा कोरोना संक्रमण पुष्टि भएको हो । योसँगै कुल संक्रमितको संख्या ५१६ पुगेको छ ।

स्वास्थ्य मन्त्रालयका अनुसार बारामा ६ जना तथा भक्तपुर, मकवानपुर र सप्तरीमा एक एक जना संक्रमित थपिएका छन् । 

बाराका संक्रमितहरुको उमेर २२ देखि ४५ वर्षसम्मको छ । उनीहरु सबै सिमरौनगढ नगरपालिकाका बासिन्दा हुन् ।

हालसम्म निको भएकाहरुको संख्या ७० पुगेको छ ।