काठमाण्डौ । सिडिएससीको नेटवर्कमा समस्या आउँदा आज बिहानैदेखि मेरो सेयर, डीपी र सिएनएस चलेको छैन । 

तीनवटै महत्वपूर्ण फिचर्स नचल्दा लगानीकर्ता र ब्रोकरहरु मर्कामा परेका छन् । 

सिडिएससीको सेटलमेन्ट सिस्टम(सिएनएस), मेरो सेयर पोर्टल र डीपी नचलेको ब्रोकरहरुले बताएका छन् । लगानीकर्ताहरुले समेत बिहानैदेखि मेरो सेयर पोर्टल नचल्दा हैरानी भएको गुनासो गरेका छन्। 

सिडिएससीका प्रवक्ता सुरेश न्यौपानेले पूरा नेटवर्ककै लिंक डाउन भएका कारण यस्तो समस्या आएको हो । ‘जीआइडीसीमा भएको समस्यामा हामीले काम गरिरहेका छौ ।’ उनले बिजशालासँग भने–‘ सर्भरमा जोडेको एउटा स्वीचमा समस्या भएको हो, यसलाई बनाउने काम भइरहेको छ ।’ 

उनका अनुसार अबको केही समयमै बिहानदेखि देखिएको समस्या समाधान भइसक्नेछ ।