मोदीको ट्विट – ‘कोरोनासँग लड्ने उचित सुझाव दिनुस्, भारु. १.७५ लाख नगद जित्नुस्’

काठमाण्डौ । भारतीय प्रधानमन्त्री नरेन्द्र मोदीले कोरोनाभाइरससँग लड्न उचित सुझाव दिनेलाई नगद पुरस्कारको घोषणा गरेका छन्। 

प्रधानमन्त्री मोदीले देशवासीका नाममा ट्विट गर्दै यस्तो घोषणा गरेका हुन्। उनले कोरोनाभाइरससँग लड्ने उचित र राम्रा सुझाव दिनेलाई भारु १.७५ लाख रुपैयाँ नगद पुरस्कार दिइने बताएका छन्। ‘धरै मानिस कोभिड–१९ का लागि टेक्नोलोजीका माध्यमबाट समाधान विषयमा रायसुझाव पेस गरिरहेका छन्। म @mygovindia मा आफ्नो सुझाव राख्न अपिल गर्छु’, ट्विट गर्दै उनले भनेका छन्, ‘तपाइँको प्रयास हामी कोरोनाभाइरसबाट बच्न निकै मद्दत पुर्याउनेछ।’

माई गभर्मेन्ट इन्डियाको ट्विटर @mygovindia को पेसमा दिइएको यो च्यालेन्जमा स्थानीय रुपमा कोरोनाभाइरस रोकथामका लागि देशका नागरिकलाई सही जानकारी उपलब्ध गराउन अपिल गरिएको छ। ‘हामीले अहिले त्यस्ता मानिस र कम्पनीबाट जानकारी पाइरहेका छौँ जोसँग यो भाइरससँग लड्ने प्रविधि र उपायहरु छन्’, मोदीले भनेका छन्, ‘तपाइँहरुकै सहयोगबाट हामी यो भाइरसविरुद्ध लड्न सक्छौँ।’

भारतीय प्रधानमन्त्रीले सुरु गरेको यो प्रयास निकै प्रशंसनीय छ। नेपालमा सरकार र जनताबाट यस्ता अभियान सुरु हुनुपर्ने आवाज उठिरहेका छन्। – एजेन्सी