काठमाण्डौ । माध्यमिक शिक्षा परीक्षा (एसईई) जेठ १३ गतेदेखि २४ गतेसम्म हुने भएको छ। 

राष्ट्रिय परीक्षा बोर्डको मंगलबार बसेको बैठकले एसईईको मिति तय गरेको हो। बोर्डका अनुसार एसइईमा विद्यार्थी भौतिक रूपमा उपस्थित हुन्पर्नेछ। गत वर्ष कोरोना महामारीका कारण एसइई आन्तरिक मूल्यांकनबाट गरिएको थियो।

आगामी एसईई राष्ट्रिय परीक्षा बोर्डले नै लिने छ। गत २६ माघमा बसेको मन्त्रिपरिषद् बैठकले एसईई परीक्षा पुनः बोर्डले नै लिने निर्णय गरेको थियो।