काठमाण्डौ ।सर्वोच्च अदालतले नेपाल राष्ट्र बैंकका गभर्नर महाप्रसाद अधिकारीविरुद्ध परेको रिटमा दुबै पक्षलाई छलफलमा बोलाउने आदेश दिएको छ ।

न्यायाधीश शुष्मालता माथेमाको एकल इजलासले कारण देखाउ आदेश जारी गरेको हो । साथै अदालतले आन्तरिम आदेश दिने नदिनेबारे छलफल गर्न दुबै पक्षलाई झिकाउने आदेश पनि भएको छ ।

अधििवक्ता दिपकराज जोशी, दामोदर तिम्सिनासहित चार जनाले गभर्नर अधिकारीको शैक्षिक योग्यतामाथि प्रश्न उठाएर  बिहीबार सर्वोच्चमा रिट दर्ता गरेका थिए। 

यसअघि गभर्नर अधिकारीको आधारभूत शैक्षिक योग्यता नेपाल राष्ट्र बैंक ऐन २०५८ बमोजिम नभएको जिकीर गर्दै नियुक्ति बदरको माग गरेका थिए ।