काठमाण्डौ । कर्मचारीमा कोरोना संक्रमण पुष्टि भएपछि अध्यागमन विभागले रोकेको भिसा सेवा एक महिनापछि आज आइतबारबाट पुनः सुरु भएको छ।

विभागको भिसा शाखामा कार्यरत कर्मचारीमा कारोना पुष्टि भएपछि गत साउन २६ गतेदेखि भिसा सेवा बन्द भएको थियो। अन्तर्राष्ट्रिय उडान सुरु भए पनि स्वदेश फर्किन नसक्ने विदेशीले आगामी मंसिरसम्म नियमअनुसार शुल्क तिरेर भिसा अवधि थप गर्न सकिने विभागले जनाएको छ।

यसैगरी नियमित उडान सुरु भएको १५ दिनभिमत्र स्वेदश फर्किन चाहने विदेशीका हकमा भने निःशुल्क भिसा प्रदान गरिने विभागले जनाएको छ। पर्यटक भिसा तथा अन्य भिसा रुपान्तरण गर्न चाहनेहरुले भने १५ दिनभित्र जरिवाना वा विलम्ब शुल्क नतिरी निःशुल्क भिसा नवीकरण गर्न सक्ने पनि विभागले स्पष्ट पारेको छ।