-अर्जुन तिमिल्सिना
काठमाण्डौ । दसैँ तथा तिहार र छठको कारण सेयर बजार लामो समयदेखि बन्द अवस्थामा रहेको छ ।तिहार अगाडि केहि दिनमात्रै खुलेको सेयर बजार यो साताको पहिलो कारोबार आइतबार पनि छठ पर्वको कारण बन्द छ ।
गत कात्तिक २३ गते बन्द भएको सेयर बजार अब मंसिर ४ गते सोमबार मात्रै खुल्ने छ । गत कात्तिक महिनामा सेयरबजारमा जम्मा १२ दिनमात्रै कारोबार भएको थियो ।
विभिन्न सामाजिक सञ्जाल र क्लब हाउसमा सँधै सेयरबजारको विषयमा चर्चा गर्ने लगानीकर्ताहरु आज भारत र अष्ट्रेलियाको क्रिकेट हेरेर मस्त देखिन्छन् । कोहि भने क्रिकेटको गफमा मस्त छन् ।
क्रिकेटका फ्यानहरु मध्ये कोहि भारतको पक्षमा छन् भने कोही अष्ट्रेलियाको पक्षमा देखिन्छन् ।केही लगानीकर्ता क्लबहाउसमा नै संगीत सुन्दै छन् भने कोही संगितसँगै आँफै गीत गाँउदै पनि छन् ।
क्लवहाउसमा गीत सुनाउँदै अरुण नामका लगानीकर्ताले भने, ‘म केही दिनमा पासपोर्ट बनाउन काठमाण्डौ आउँदैछु । ४० वर्ष कटेपछि रमाउँला... भन्ने गित पनि अब गीतमा नै सीमित रहने भो । म जस्ता व्यक्ति पनि पासपोर्ट बनाएर विदेशिनु परेपछि देशको अवस्था के भन्नु ? देशमा गरि खाने अवस्था भएन ।’
यस्तो कथा र व्यथा, यसअघि पनि ब्रोकर हाउसमा नै भेटिने गरेका कतिपय लगानीकर्ताहरुबाट सुनिदै आएको हो । त्यहाँ एक जना लगानीकर्ता भन्दै थिए, ‘अब सेयर बजारमा टिक्न मुस्किल भयो । केही समयको लागि विदेशिनु नै उत्तम हुन्छ ।’ अर्का एक जना लगानीकर्ता भन्दै थिए, ‘मैले कोरिया बसेर आएको सबै पैसा सेयरबजारमा लगाएँ तर लगानी अहिले सबै घाटामा नै छ ।’
क्लब हाउसमा अर्का लगानीकर्ता भन्दै थिए, ‘मैले त सेयर बजार नै भुलिसकें ।’ नेप्सेको चार्ट हेर्दै गरेका अरुण नामका लगानीकर्ताले आगामी कारोबारमा बजार १ हजार ८६५ विन्दुभन्दा माथि गएमा अपट्रेन्ड लिन्छ ।
क्लव हाउसमै केहि लगानीकर्ता भन्दै थिए, ‘भारतको अर्थतन्त्रमा क्रिकेट प्रतियोगिताको माध्यमबाट विज्ञापनबाट १२ हजार करोड भारु कमाएर सहयोग पुगेको छ । हाम्रो रंगशालामा चाहिं यतिखेर कमिला हिंडेका छन् ।’
7 months ago
7 months ago
7 months ago
7 months ago
7 months ago
7 months ago
7 months ago
7 months ago
7 months ago
7 months ago