काठमाण्डौ । पछिल्लो २४ घण्टामा देशभर कोरोनाभाइरसका ४६३ जना नयाँ संक्रमित थपिएका छन्।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले ४६३ नयाँ संक्रमित थपिएका जानकारी दिएका हुन् । 

थपिएकामध्ये ३५८ पुरुष र १०५ महिला छन् । 

अब योसहित देशमा हालसम्म संक्रमित हुनेको संख्या १२ हजार ७७२ पुगेको छ । 

हालसम्म ३ हजार १३ जना संक्रमित निको भएर घर फर्किएका मन्त्रालयले जनाएको छ । 

कोरोना संक्रमित २८ जनाको हालसम्म मृत्यु भइसकेको छ भने देशका ७७ वटै जिल्लामा संक्रमण बिस्तार भइसकेको छ ।