काठमाण्डौ । नेपालमा सक्रिय कोरोना संक्रमितको संख्या २० हजार ३९६ पुगेको छ । 

पछिल्लो २४ घण्टामा देशभर १ हजार ५१३ संक्रमित थपिएका र ७३१ मात्र डिस्चार्ज भएका कारण सक्रिय संक्रमितको संख्या बढेको हो । 

मंगलबारसम्ममा देशभर कुल संक्रमितको संख्या ७६ हजार २५८ पुगेको छ भने कुल निको हुनेको संख्या ५५ हजार ३७१ पुगेको छ । निको हुने दर थोरै घटेर ७२.६१ प्रतिशतमा सीमित बन्न पुगेको छ । 

थप १० जनाको मृत्युसँगै कोभिड १९ का कारण ज्यान गुमाउनेको कुल संख्या ४९१ पुगेको छ । 

देशमा हालसम्म १० लाख ९ हजार २९८ जनाको पीसीआर परीक्षण भइसकेको छ ।