काठमाण्डौ । पछिल्लो २४ घण्टामा देशभर हालसम्मकै सबैभन्दा धेरै कोरोना संक्रमित फेला परेका छन् । 

स्वास्थ्य मन्त्रालयका अनुसार यो अवधिमा १० हजार ४९४ पीसीआर टेस्ट हुँदा देशभरबाट १ हजार ५३९ कोरोना संक्रमित थपिएका हुन् । योसहित नेपालमा हालसम्मको कोरोना संक्रमितको कुल संख्या ५८ हजार ३२७ पुगेको छ । 

यो अवधिमा देशभरबाट १ हजार ६८ संक्रमितले कोरोनामाथि जित हासिल गरेका छन् । योसहित हालसम्म निको हुने संक्रमितको कुल संख्या ४१ हजार ७०६ पुगेको छ । यसको अर्थ हाल देशभर १६ हजार २४२ सक्रिय संक्रमित रहेका छन् । 

पछिल्लो २४ घण्टामा देशभर थप ८ संक्रमितको मृत्यु भएको छ । योसहित मृत्यु हुने कुल संक्रमितको संख्या ३७९ पुगेको छ ।