काठमाण्डौ । नेपालमा कोरोना भाइरस संक्रमितको संख्या पुनः ह्वात्तै बढेको छ । 

सोमबार थप १० जनामा कोरोना संक्रमण  पुष्टि भएको हो । यी सबै कपिलवस्तुका हुन् । 

स्वास्थ्य मन्त्रालयका अनुसार कपिलवस्तुको यशोधरा गाउँपालिका ५ र बुद्धभूमि नगरपालिका ७ र १० का १८, १९, २०, २०, २४, ३०, ३१, ३४, ३४ पुरुषहरु र एकजना उमेर नखुलेको पुरुषमा संक्रमण पुष्टि भएको हो । उनीहरुको थ्रोट स्वाब संकलन गरी टेकूस्थित केन्द्रीय प्रयोगशालामा परीक्षण गर्दा संक्रमण पुष्टि भएको हो । 

पछिल्लोपटक कोरोना संक्रमण पुष्टि भएका सबैको स्वास्थ्य अवस्था सामान्य रहेको छ । 

योसँगै नेपालमा कोरोना संक्रमितको संख्या १२० पुगेको छ । कुल संक्रमितमध्ये ३२ जना उपचारपछि घर फर्किसकेका छन् भने निको भइसकेका भनिएका थप ३ जनामा पुनः संक्रमण देखिएको छ ।