काठमाण्डौ । पछिल्लो २४ घण्टामा नेपालमा ५७ जना कोरोना संक्रमित मात्र फेला परेका छन् । 

स्वास्थ्य तथा जनसंख्या मन्त्रालयका अनुसार देशभरका २७ वटा प्रयोगशालामा ३ हजार ३३१ वटा पीसीआर परीक्षण गर्दा ५७ जनामा मात्र संक्रमण पुष्टि भएको हो । 

थपिएको संख्यासहित देशमा कोरोना संक्रमितको कुल संख्या १७ हजार ५०२ पुगेको छ । 

शनिवार पनि अघिल्ला दिनहरुमा झै कोरोनामाथि जित हासिल गरी घर फर्किनेको संख्या नयाँ संक्रमितको संख्या भन्दा बढी छ । यो दिन १०३ जना निको भएर घर फर्किएका छन् । योेसहित कुल डिस्चार्ज हुनेको संख्या ११ हजार ६३७ पुगेको छ । 

नेपालमा हालसम्म कोरोना संक्रमणका कारण ४० जनाको मृत्यु भइसकेको छ । मृतकमध्ये अधिकांश दीर्घरोगी थिए ।