काठमाण्डौ । गत २४ घण्टाभित्र देशभरबाट ४ हजार ५०० कोरोना संक्रमित निको भएका छन् । योसहित शुक्रबारसम्मको निको हुने दर बढेर ८१ प्रतिशत पुगेको छ,जुन नेपालका लागि हालसम्मकै बढी हो । 

यो अवधिमा देशभर २ हजार ९०९ कोरोना संक्रमित थपिएका छन् । योसहित हालसम्म नेपालमा संक्रमण हुनेको कुल संख्या १ लाख ८८ हजार ८ सय माथि पुगेको छ । १ लाख ५२ हजार ९०८ निको भएका छन् भने देशमा सक्रिय संक्रमितको संख्या समेत घटेर ३४ हजार ९०५ मा सीमित बन्न पुगेको छ । 

पछिल्लो २४ घण्टामा देशभर थप १८ कोरोना संक्रमितको मृत्यु भएको स्वास्थ्य मन्त्रालयले जनाएको छ । योसहित नेपालमा कोरोनाबाट ज्यान गुमाउनेको संख्या १ हजार ७० पुगेको छ ।