काठमाण्डौ । उपत्यका भित्रिनेहरुको प्रवेशमा अपेक्षित कडाई हुन नसक्दा काठमाण्डौमा कोरोना संक्रमितको संख्या बढ्न थालेको छ । 

पछिल्लो २४ घण्टामा काठमाण्डौ जिल्लामा मात्रै १२ जना कोरोना संक्रमित थपिएका स्वास्थ्य मन्त्रालयले जनाएको छ । 

थपिएका संक्रमितमध्ये ७ पुरुष र ५ महिला रहेका छन् । 

काठमाण्डौसँगै ललितपुरका एक पुरुष र भक्तपुरमा एक महिलामा समेत कोरोना संक्रमण पुष्टि भएको छ । 

यसैबीच, देशका विभिन्न क्षेत्रमा पछिल्लो २४ घण्टामा ३१६ कोरोना संक्रमित थपिएका छन् । योसहित देशमा कुल संक्रमितको संख्या १३ हजार ५६४ पुगेको छ ।