काठमाण्डौ । पछिल्लो २४ घण्टामा देशभर थप २४६ जनालाई कोरोना संक्रमण पुष्टि भएको छ । 

देशभरका प्रयोगशालामा गरिएको ८ हजार ८ सय ३१ स्वाब परीक्षणमा २४६ जनालाई कोरोना पोजेटिभ देखिएको हो । आज थपिएका कुल २४६ जना संक्रमितसँगै देशभर संक्रमित हुनेको संख्या २० हजार ३ सय ३२ पुगेको छ । 

स्वास्थ्य तथा जनसंख्या मन्त्रालयकाअनुसार यही अवधिमा कोरोनामाथि जित हासिल गरी घर फर्किनेको संख्या १११ रहेको छ । योसहित कुल डिस्चार्ज हुनेको संख्या १४ हजार ६०३ पुगेको मन्त्रालयले जनाएको छ । नेपालमा हालसम्म कोरोना संक्रमणबाट ५७ जनाको मृत्यु भएको छ ।

पछिल्लो २४ घण्टामा काठमाण्डौका २२, ललितपुरका ८ र भक्तपुरमा एकजना गरी ३१ नयाँ संक्रमित फेला परेका छन् । सबैभन्दा धेरै पर्सामा ८१ संक्रमित थपिएका छन् । त्यस्तै धनुषाका ३५, मोरङका १६, सुनसरीका १२, डोटीका ११, कैलाली र बर्दियाका १०–१०, स्याङजाका ८, तथा महोत्तरी र कास्कीका ५ –५ जनामा कोरोना संक्रमण पुष्टि भएको छ ।