मोरङ । मोरङका जनस्वास्थ्य प्रमुखलाई नै कोरोना संक्रमण भएको छ । 

जिल्ला जनस्वास्थ्य कार्यालयका प्रमुख ज्ञानबहादुर बस्नेतले आफूलाई कोरोना संक्रमण भएको टेलिफोनबाट पुष्टि गरे । 

आफू लगातार कोरोना संक्रमितको व्यवस्थापनमा खटिइरहेको र यही क्रममा कतैबाट संक्रमण भएको हुनसक्ने उनको भनाई छ । 

उनका अनुसार जनस्वास्थ्य कार्यालयमा कार्यरत एक जनस्वास्थ्य निरीक्षकलाई पनि कोरोना संक्रमण पुष्टि भएको छ । 

उनका अनुसार कोरोना पोजिटिभ भएको रिपोर्ट मंगलबार आएको हो । आफू यसअघिदेखि नै क्वारेन्टिनमा रहेर काम गरिरहेको उनले बताए।