काठमाण्डौ । पछिल्लो २४ घण्टामा काठमाण्डौ उपत्यकामा १८२ कोरोना संक्रमित थपिएका छन् । 

काठमाण्डौ जिल्लामा १४२ जना, ललितपुरमा २५ र भक्तपुरमा १५ जनासहित कुल १८२ संक्रमित उपत्यकामा थपिएका हुन् । 

स्वास्थ्य मन्त्रालयका अनुसार पछिल्लो २४ घण्टामा काठमाण्डौसहित देशभरमा थप ८३८ जनामा कोरोना संक्रमण पुष्टि भएको छ । योसँगै अब नेपालमा कुल संक्रमितको संख्या ३० हजार ४८३ पुगेको छ ।

पछिल्लो २४ घण्टामा देशभर १३ हजार ६७९ पीसीआर परीक्षण भएको बताइएको छ । योसहित हालसम्म नेपालमा पीसीआर परीक्षण भएको संख्या ५ लाख ७९ हजार ८९९ पुगेको छ । 

मन्त्रालयका अनुसार पछिल्लो २४ घण्टाभित्र संक्रमणमुक्त भई घर फर्किनेको संख्या २५० पुगेको छ । योसँगै हालसम्म निको हुनेको संख्या १८ हजार २१४ पुगेको छ ।