काठमाण्डौ । पछिल्लो २४ घण्टामा देशभर ८५५ कोरोना संक्रमित थपिएका छन् । 

योसहित हालसम्म नेपालमा कोरोना संक्रमितको कुल संख्या ३३ हजार ५३३ पुगेको छ । 

यो अवधिमा काठमाण्डौ उपत्यकामा २३२ संक्रमित थपिएका छन् । उपत्यकाका काठमाण्डौ जिल्लामा १९९, ललितपुरमा १९ र भक्तपुरमा १४ संक्रमित थपिएका स्वास्थ्य तथा जनसंख्या मन्त्रालयले जनाएको छ । 

पछिल्लो २४ घण्टामा देशभरबा ३१३ जना संक्रमित निको भएका छन् । योसहित कुल निको हुने संक्रमितको संख्या १९ हजार ११९ रहेको छ । 

पछिल्लो २४ घण्टामा देशभर ११ हजार ३२७ जनाको पीसीआर परीक्षण भएको छ । हालसम्म कुल ६ लाख २१ हजार ९०१ जनाको परीक्षण भएको छ । 

मंगलबारसम्ममा १४ हजार ३५० संक्रमित आइसोलेसनमा छन् । जसमध्ये ५ हजार ६६९ जना होम आइसोलेसनमा र ८ हजार ५८१ जना संस्थागत आइसोलेसनमा रहेका छन् । हाल देशभर १० हजार ४५३ जना क्वारेन्टिनमा छन् ।