काठमाण्डौ । नेपालमा हालसम्मकै सबैभन्दा धेरै कोरोना संक्रमित भेटिएका छन् । 

पछिल्लो २४ घण्टामा देशभर १ हजार २२१ कोरोना संक्रमित थपिएका हुन् । एकैदिन यति धेरै संक्रमित फेला परेको यो पहिलो हो । 

कुल संक्रमितमध्ये काठमाण्डौ उपत्यकामा मात्रै ४२९ फेला परेका छन् । हालसम्म कोरोना संक्रमितको कुल संख्या ३८ हजार ५६१ पुगेको छ । 

हालसम्म आइसियूमा १४४ र भेन्टिलेटरमा १७ कोरोना संक्रमित रहेका बताइएको छ । 

पछिल्लो २४ घण्टामा देशभर थप १४ संक्रमितको मृत्यु भएको छ । योसहित कुल मृतकको संख्या २२१ पुगेको छ । 

हालसम्मको पीसीआर टेस्ट संख्या ६ हजार ८२ हजार ३४३ पुगेको छ।

मृतकहरुमा ४ महिला र १० पुरुष रहेका छन् । मृतक महिलाहरुमा सुनसरीकी ७४ वर्षीया, बाराकी ४७, महोत्तरीकी ६२ र काठमाण्डौकी ७२ वर्षीया महिला रहेका छन् । 

यस्तै, मृतक पुरुषहरुमा सुनसरी(६०), मोरंग(६२), महोत्तरी(७० र ३५), रौतहट(३०), ललितपुर(२९), भक्तपुर (६५), नवलपरासी ६२ र रुपन्देहीका(५७ र ६७) रहेका छन् ।