काठमाण्डौ । पछिल्लो २४ घण्टामा हालसम्मकै सबैभन्दा धेरै कोरोना संक्रमित भेटिएका छन् । 

यो अवधिमा देशभर १ हजार ४५४ संक्रमित फेला परेका हुन् । योसँगै कुल संक्रमितको संख्या ५१ हजार ९१९ पुगेको छ । 

पछिल्लो २४ घण्टामा कोभिड संक्रमणबाट मुक्त भई डिस्चार्ज हुनेहरुमा ९७२ रहेका छन् । हालसम्म कुल डिस्चार्ज हुनेको संख्या ३६ हजार ६७२ पुगेको छ । कोभिड १९ बाट मुक्त हुने दर ७१ प्रतिशत रहेको छ । 

पछिल्लो अवधिमा थप ५ संक्रमितको मृत्यु भएको छ । योसँगै कुल मृतकको संख्या ३२२ पुगेको छ । 

आज १० हजार ७०१ जनाको पीसीआर परीक्षण भएको हो । योसहित कुल पीसीआर परीक्षण संख्या ८ लाख २१ हजार १८६ पुगेको छ । 

हाल देशभर १४ हजार ९२५ सक्रिय संक्रमित रहेका छन् ।