चाडपर्वलक्षित सिटिजन्स बैंकले ल्यायो सन्देशमूलक भिडियो

काठमाण्डौ । सिटिजन्स बैंक इन्टेरनेसनलले चाडपर्वलाई लक्षित गरी सन्देशमूलक भिडियो सार्वजनिक गरेको छ।

बैंकले तिहार र छठ पर्वका अवसरमा सन्देशमूलक भिडियो सार्वजनिक गरेको हो। 

भिडियोमा तिहार, नेपाल संवत र छठ पर्वका विशेषताहरुको वर्णन गरिएको थियो। तिहारका हरेक दिन कागपूजा, कुकुरपूजा, लक्ष्मीपूजा, गोबर्द्धन पूजा, नेपाल संवत, म्हपूजा र भाइटीकाको महत्व र विशेषबारे भिडियोमा रोचक तथा सन्देशपूर्ण तरिकाले प्रस्तुत गरिएको छ।

छठमा अस्ताउँदो सूर्य र उदाउँदो सूर्यलाई अघ्र्य दिएर परिवारको सुख–शान्ति र प्रगति गरिने प्रचलनलाई निकै रोचकताका साथ प्रस्तुत गरिएको छ। 

भिडियोको अन्त्यतिर सबै चाड नेपालीको चाड रहेकोले सद्भाव र समभावका साथ मनाउन आग्रह गरिएको छ। यी चाडपर्वहरु सबैले एकअर्काप्रति सदसयता राखेर मनाउँदा सबैको भलो र प्रगति हुने पनि भिडियोमार्फत सन्देश प्रवाह गरिएको छ। 

सिटिजन्स बैंकले देशैभरि फैलिएका आफ्ना १८३ वटा शाखा, १२१ वटा एटीएम र १११ वटा शाखारहित बैंकिङ इकाइबाट करिब साढे १२ लाख ग्राहकलाई आधुनिक बैंकिङ सेवाहरु प्रदान गर्दै आएको छ । 

भिडियो हेर्न तलको लिंकमा क्लिक गर्नुहोस् –

https://fb.watch/99VtVFn6MM/