काठमाण्डौ । डीएभी सुशील केडिया विश्व भारती विद्यालय तथा कलेजले काठमाण्डौ उपत्यकालगायत प्रदेश तहका शिक्षा क्षेत्रमा समर्पित महिलालाई सम्मान गरेको छ। 

११२ औँ विश्व महिला दिवसका अवसरमा २१६ मनोनित महिलामध्येबाट शिक्षा क्षेत्रमा उल्लेख्य योगदान पुर्याएका ८४ जना महिलालाई डीएभीले सम्मान गरेको हो। कार्यक्रमकी प्रमुख अतिथि प्राडा कुशुम शाक्य डिन मानविकी तथा समाजशास्त्र त्रिभुवन विश्वविद्यालय रहेकी थिइन्। उनले डीएभी विद्यालयले शिक्षा क्षेत्रका महिलाहरु खोजी गरी सम्मान गर्नु निजी क्षेत्रकै सरहानीय कार्य रहेको उल्लेख गरिने। उनले शिक्षा क्षेत्रमा महिलाहरुको उल्लेखनीय सहभागिता देखिनुले नेपाली समाज र लैंगिक समानतातिर उन्मुख रहेको समेत बताइन्। 

शाक्यले विश्व महिला दिवस मनाउनुको कारण र त्यसका विभिन्न आयामहरुको चर्चा गरेकी थिइन्। 

डीएभी अध्यक्ष अनिल केडियाले शिक्षा क्षेत्रमा अथक योगदान पुर्याएका महिलाहरुलाई सम्मान गर्दा आफू ज्यादै खुशी भएको बताए। 
कार्यक्रममा प्रथम महिला सुनिता केडिया, प्रमुख अतिथि, कुशुम शाक्य लगायत विद्यालय व्यवस्थापन समितिका सदस्यहरुले सम्मानपत्र  प्रदान गरेका थिए। 

विद्यालयकी प्राचार्य डा भुवनेश्वरी रावले विद्यालयका अभिभावकहरु आफ्नो छोरीहरुको व्यक्तित्व विकासका अवसरहरुमा छोराहरुसरह समान हुनुपर्ने धारणा राखिन्। उनले महिलाहरु शिक्षाको माध्यमबाट करौडौँ मानिसहरको भविष्यमा सकारात्मक परिवर्तन ल्याएका वभिन्न तथ्यहरु प्रकाश पारिन्। विद्यालयका शिशु, प्राथमिक, निम्न माध्यामिक तथा माध्यामिक तहका विद्यार्थीले महिला दिवसप्रति समर्पित रही नाचगान, अभिनय तथा विभिन्न कलाहरु प्रस्तुत गरेका थिए।