काठमाण्डौ । सर्वोच्च अदालतले प्रधानमन्त्री पुष्पकमल दाहाल ‘प्रचण्ड’विरुद्ध दायर मुद्दामा अन्तरिम आदेश दिन अस्वीकार गरेको छ।  

केही समयअघिको अभिव्यक्तिलाई लिएर प्रधानमन्त्री दाहालविरुद्ध अधिवक्ता ज्ञानेन्द्रराज आरणसहित १४ जना र चिरञ्जिवी वास गिरीले दायर छुट्टाछुट्टै रिट दायर गरेका थिए।

आजको सुनुवाईपछि न्यायाधीश ईश्वरप्रसाद खतिवडाको इजलासले निवेदकको मागबमोजिम अन्तरिम आदेश दिन अस्वीकार गरेको हो। 

अदालतले मुद्दालाई अग्राधिकार प्रदान गर्दै १५ दिनभित्र यसबारे लिखित जबाफ पेस गर्न दाहालको नाममा आदेश पनि जारी गरेको छ।