काठमाण्डौ । अब सामाजिक सञ्जाल फेसबुकमा ब्लु टिक लगाउन सजिलो हुने भएको छ। 

मेटाका संस्थापक मार्क जुकरबर्गले फेसबुकले यसै हप्ता मेटा भेरिफाइड सुरु गर्ने घोषणा गरेका छन्। पैसा दिएर ब्लु टिक उपलब्ध हुनेछ र खाता पनि प्रमाणित हुनेछ। 

यसअघि एलन मस्कले ट्विटरका बारेमा यस्तै घोषणा गरिसकेका छन्। निश्चित रकम दिएर निलो टिक पनि पाउन सकिन्छ।

फेसबुकले ब्लु टिकका बारेमा केही ठूला घोषणा गर्ने चर्चा लामो समयदेखि चलिरहेको थियो। मार्क जुकरबर्गको टोलीले मेटा भेरिफाइडको बारेमा लामो समयदेखि अनुसन्धान गरिरहेको थियो। धेरै कुरामा बहस भयो र अब जुकरबर्गले फेसबुकलाई लिएर यो ठूलो घोषणा गरेका छन्। यहाँ यो बुझ्न महत्वपूर्ण छ कि सरकारी आईडी बिना कोही पनि आफ्नो खाता प्रमाणीकरण गर्न सक्षम हुने छैन। यसबाहेक वेब र आईओएस प्लेटफर्महरुमा प्रमाणीकरण गर्नको लागि छुट्टै पैसा तिर्नुपर्नेछ। 

जुकरबर्गले आफ्नो पोस्टमा वेबमा हरेक महिना डलर ११.९९ र आईओएस प्रयोगकर्ताले १४.९९ डलर तिर्नुपर्ने बताएका छन्।

जारी विज्ञप्तिमा जुकरबर्गले यसै साताबाट मेटा भेरिफाइड सुरु गर्ने बताएका छन्। यो एक सदस्यता सेवा हो, जसको माध्यमबाट प्रयोगकर्ताले आफ्नो खाता प्रमाणित गर्न सक्षम हुनेछन्। ‘तपाइँलाई केवल सरकारी आईडी चाहिन्छ। यो सेवाका कारण फेक अकाउन्टको समस्याबाट थप सुरक्षा हुनेछ, हामीले ग्राहक सेवालाई सिधै सम्पर्क गर्न सक्नेछौँ’, मेटाद्वारा विज्ञप्तिमा भनिएको छ, ‘हामी यो सेवा छिट्टै अस्ट्रेलिया, न्युजिल्यान्डमा यसै सातादेखि सुरु गर्न लागेका छौँ, जब कि अन्यमा पनि लागू गरिनेछ।’

यसअघि ट्विटर ब्लुको सेवा भारतमा पनि सुरु भएको थियो। कम्पनीले यसलाई मासिक ९ सय रुपैयाँमा लन्च गरेको हो। यो सीमित समयको प्रस्ताव हो। अर्थात् आगामी दिनमा यसको मूल्य अझै बढ्न सक्छ। –एजेन्सी