काठमाण्डौ । राजधानीका तीन स्थानमा सञ्चालन भइरहेको मनसुन मोबाइल मेलामा एसइइका परीक्षार्थीले् ५० प्रतिशत छुटमा मोबाइल किन्न पाउने भएका छन् । 

एसइइको परीक्षाफल सार्वजनिक भएको अवसर पारेर मोबाइलसँगै ल्यापटप किस्ताबन्दीमा उपलब्ध गराउने अफर समेत सुरु गरिएको छ ।


चाबहिल चुच्चेपाटी स्थित केएल मोबाइल हब, दरबारमार्गस्थित मर्कन्टाइल प्लाजाको पहिलो तल्लामा रहेको एप्पल वल्र्ड मोबाइल तथा सिटिसि मल सुन्धाराको भुइतल्लामा रहेको सिटिसी मोबाइल हबमा जारी मोबाइल मेलामा एसइइका परीक्षार्थीले ५० प्रतिशत छुटमा मोबाइल किन्न सक्नेछन् ।

एसइइ परीक्षार्थीले नुबिया जेट मिनी १७, जेट १७मिनी एस, जेट १७लाईट, नुबिया भि १८लगायत मोडलका मोबाइलमा ५० प्रतिशत छुट पाउने छन् । 

त्यसैगरी, सामसुङ, हुवावे, भिभो, ओप्पो, अनर, एमआई, एप्पल, रियल मी, वानप्लस लगायत ब्राण्डका विभिन्न मोडलका मोबाइलमा पनि ५ देखि ४० प्रतिशतसम्म छुट पाइनेछ । 

परीक्षार्थीहरुले किस्ताबन्दीमा विभिन्न ब्राण्ड तथा मोडलका मोबाइल समेत खरिद गर्न सक्नेछन् । एसइइका परीक्षार्थीलाई लक्षित गर्दै मोबाइल मेलाको अवधि थप गरिएको छ । मेला असार मसान्तसम्म चल्नेछ ।