काठमाण्डौ । छिमेकी भारतमा पहिलोपटक एकैदिन कोरोनाभाइरस संक्रमणका ३ हजार बढीको मृत्यु भएको छ।

स्थानीय सञ्चारमाध्यमहरुका अनुसार मंगलबार भारतभरि ३ हजार २८६ जना संक्रमितको मृत्यु भएको हो। यो मृत्यु एक दिनको आँकडा हालसम्मकै उच्च हो। योसँगै भारतमा कोरोनाबाट मृत्यु हुनेको संख्या २ लाख १ हजार १०६ जनाको पुगेको छ। 

कोरोना धेरै ज्यान गुमाउने देशमा भारत चौथो स्थानमा छ। 

हालसम्म कोरोनाबाट सबैभन्दा धेरै ज्यान अमेरिकामा गएको छ। त्यहाँ ५ लाख ७२ हजार बढी मानिसको मृत्यु भइसकेको छ। त्यसपछि ब्राजिलमा ३ लाख ९२ हजार बढी र मेक्सिकोमा २ लाख १५ हजार बढीको मृत्यु भइसकेको छ। 

भारतमा मंगलबार एकैदिन ३ लाख ६२ हजार संक्रमित थपिएका छन्। – एजेन्सी