गुगल क्रोमको प्रयोग जोखिमपूर्ण ! भयो यस्तो खुलासा

काठमाण्डौ । गुगल क्रोम एउटा निकै लोकप्रिय वेब ब्राउजर हो। यो संसारभरि लाखौँ मानिसद्वारा प्रयोग गरिन्छ। तर, यसको त्रुटिका कारण प्रयोगकर्ता सावधान रहनु आवश्यक छ। 

एउटा नयाँ रिपोर्टले गुगल क्रोम सबैभन्दा असुरक्षित वेब ब्राउजर भएको खुलासा गरेको छ। त्यो हो यसको प्रयोग प्रयोगकर्ताको गोपनीयताका लागि सही छैन। 

एट्लास भीपीएनले एउटा प्रतिवेदन सार्वजनिक गर्दै यसबारे जानकारी दिएको हो। प्रतिवेदनमा सन् २०२२ मा ३०३ त्रुटि र कुल ३१५९ त्रुटि फेला परेको बताइएको छ। यस कारण यो सबैभन्दा असुरक्षित ब्राउजर भएको छ।

एट्लास भीपीएनले यी तथ्यांकहरु VulDB Vulnerability Database मा आधारित रहेको जनाएको छ। यसमा १ जनवरी २०२२ देखि ५ अक्टोबर २०२२ सम्मको डाटा समावेश छ। 

रिपोर्टका अनुसार गुगल क्रोम एकमात्र ब्राउजर हो, जसमा अक्टोबरको पहिलो पाँच दिनमा त्रुटि पत्ता लागेको थियो।

यसमा CVE–202203318, CVE–2022–3314, CVE–2022–3311, CVE–2022–3309 / CVE–2022–3307 पत्ता लागेको छ। सीभीई कार्यक्रमबाट सुरक्षा त्रुटिहरु र त्रुटिहरु धेरै प्लेटफर्महरुमा पत्ता लगाइएको छ।

यद्यपि यी त्रुटिहरु डाटाबेसमा सूचीबद्ध छैनन्। तर, प्रतिवेदनले यसले कम्प्युटरमा मेमोरी करप्ट हुनसक्ने जनाएको छ। प्रयोगकर्ताले यसलाई ठीक गर्न गुगल क्रोम भर्जन १०६.०.५२४९.६१ मा अपडेट गर्न सक्छन्।

मोजिला फायरफक्स ब्राउजर गुगल क्रोमपछि आउँछ। त्रुटिको सन्दर्भमा यो ११७ त्रुटिका साथ दोस्रो नम्बरमा छ। माइक्रोसफ्ट एजमा १०३ त्रुटिहरु पनि फेला परेका छन्।

गुगल क्रोम धेरै लोकप्रिय छ। यो एन्ड्रोइड फोनहरुमा प्रि–इन्स्टल्ड भएर आउँछ। जसका कारण मानिसहरुले यसलाई सीधै प्रयोग गर्न थालेका छन्। यद्यपि, प्रयोगकर्ताको गोपनीयताका लागि अर्को ब्राउजरका साथ जान सकिन्छ। ब्रेभ ब्राउजर गोपनीयताका लागि प्रयोग गर्न सकिन्छ। यसबाहेक डकडकगो ब्राउजर पनि प्रयोग गर्न सकिन्छ। –एजेन्सी