काठमाण्डौ । गोरखा क्षेत्र नम्बर २ मा नेकपा (माओवादी केन्द्र)का अध्यक्ष पुष्पकमल दाहाल प्रचण्डले फराकिलो मतान्तरले अग्रता कायमै राखेका छन्। 

त्यस क्षेत्रमा अहिलेसम्म ८ हजार ५४० मत गणना भएको छ। जसमा सत्ता गठबन्धनबाट उम्मेदवार बनेका प्रचण्डले ४ हजार ८३२ मत प्राप्त गरेका छन्। 

उनका निकटतम प्रतिद्वन्द्वी राष्ट्रिय स्वतन्त्र पार्टीका उम्मेदवार कविन्द्र बुर्लाकोटी तेब्बर मतले पछाडि छन्। उनले १ हजार ४२४ मत ल्याएका छन्।

यो क्षेत्रमा एमालेका उम्मेदवार अब्दुस मियाँ तेस्रो स्थानमा छन्। उनले १ हजार १७६ मत ल्याएका छन्।