काठमाण्डौ । घलेम्दी हाईड्रो लिमिटेडद्वारा निष्कासित हकप्रद सेयर बाँडफाँड गरिएको छ। कम्पनीद्वारा निष्कासन गरिएको हकप्रद सेयर पुस २५ गते बाँडफाँड गरिएको हो । 

कम्पनीले गत कात्तिक २ गतेसम्म कायम सयेरधनीका लागि गत मंसिर १० गतेदेखि निष्कासन गरेको  प्रति सेयर रु.१०० अंकित दरका कुल १ करोड १० लाख लाख कित्ता हकप्रद सेयर बाँडफाँड गरेको हो ।

कुल निष्कासनमध्ये रितपूर्वक आवेदन दिएका २८ हजार १२१ जना आवेदकलाई ७७ लाख ८२ हजार २७६ कित्ता हकप्रद सेयर बाँडफाँड गरिएको हो ।

कम्पनीले १०० रुपैयाँ अंकित दरका सेयरका लागि १ः२ को अनुपातमा हकप्रदको बिक्री खुलाएको थियो ।

आफ्नो हकभन्दा बढी हकप्रद सेयरका लागि आवेदन गरी बाँडफाँडमा नपरेका सेयरधनीहरुको सेयरबापतको रकम भुक्तानी पुस २९ गतेदेखि आवेदन फारममा उल्लेख गरेको बैंक खातामा आईपीएसमार्फत सिधै रकमान्तर गरिने कम्पनीले जनाएको छ ।