काठमाण्डौ । हालै दोस्रो बजारमा कारोबार आएको जीवन विकास लघुवित्तको सेयरभाउ अचाक्ली बढेको छ। 

दोस्रो बजारमा आजसहित १७ दिनको कारोबारमै यो लघुवित्तको सेयर उकालो लागेर ५ हजार १९८ रुपैयाँ पुगेको छ। आज पनि यो लघुवित्तको सेयरमूल्यमा १० प्रतिशतले बढेर पोजिटिभ सर्किट लागेको छ। आजमात्रै सेयरभाउ प्रतिकित्ता ४७२ रुपैयाँले बढेको छ। 

गत साउन १४ गतेबाट जीवन विकास लघुवित्तको सेयर दोस्रो बजारमा कारोबारमा आएको थियो। पहिलो दिनको स्पेसल प्रि–ओपन सेसनमै यो लघुवित्तको सेयर ९१४ रुपैयाँमा कारोबार भएको थियो। 

लगातारको पोजिटिभ सर्किट लागेर जीवन विकास लघुवित्तको सेयरभाउ प्रतिकित्ता ५ हजार रुपैयाँ नाघेको हो। 

यो लघुवित्तले गत असार ११ गतेदेखि असार १५ गतेसम्म आईपीओ बिक्री गरेको थियो।