टिकटकको हेडक्वार्टर लण्डनमा सर्न सक्ने

काठमाण्डौ । सामाजिक भिडियो प्लेटफर्म टिकटकले आफ्नो नयाँ हेडक्वार्टर बेलायतको राजधानी लण्डनमा राख्नसक्ने जनाइएको छ । यस सम्बन्धमा टिकटकको बेलायत सरकारसँग छलफल भइरहेको छ। 

समाचार एजेन्सी रोयटर्सको रिपोर्टका अनुुसार चीनसँगको सम्बन्ध तोड्नका लागि टिकटकले यस्तो कदम उठाउन लागेको हो । चीनसँग सम्बन्ध भएकै कारण टिकटकले भारत लगायत अन्य देशहरुमा प्रतिबन्धको सामना गरिरहनुु परेको छ । 

प्रतिबन्धहरुसँग जुुध्नका लागि टिकटकले आफ्नो हेडक्वार्टर लण्डनमा राख्ने चाहेको बताइएको छ । रिपोर्टकाअनुुसार नयाँ हेडक्वार्टर स्थापना गर्नका लागि कम्पनीले लण्डन लगायत अन्य शहरहरुको बारेमा समेत विचार गरिरहेको छ । तथापि अहिलेसम्म कुुनै पनि शहरको नाम निश्चित भइसकेको छैन । यससँगै टिकटकले यो वर्ष अमेरिकाको क्यालिफोर्नियामा कर्मचारी हायरिङलाई तीव्रता दिएको छ । यसमा वाल्ट डिज्नीका पूर्व उपप्रमुुख पाउचिङ केविन मेयरको नाम पनि समावेश छ । 

केभिनलाई टिकटकको कार्यकारी प्रमुुखको जिम्मेवारी दिइएको छ । चीनसँग सम्बन्ध भएका कारण टिकटकले अमेरिकामा कडा छानबिनको सामना गरिरहनुु परेको छ । चीनले टिकटकलाई प्रयोगकर्ताको डेटा सेयर गर्न दवाब दिनसक्ने भन्दै अमेरिकाले आशंका जनाएको छ । टिकटकमा चीनको बाइटडान्स कम्पनीको स्वामित्व रहेको छ ।  
-एजेन्सी