काठमाण्डौ । नेपाल स्टक एक्सचेन्ज (नेप्से)को भवन अगाडि ‘बुल’को प्रतिमा राख्ने भएको छ। 

काठमाण्डौको रामशाहपथस्थित नेप्सेको भवनअगाडि बुलको प्रतिमा राखिने भएको हो। बुलको प्रतिमा निर्माणका लागि नेप्सेले एउटा सूचना जारी गर्दै टेन्डर आह्वान गरेको छ। 

विश्वको अधिकांश स्टक एक्सचेन्ज अगाडि बुलको प्रतिमा राख्ने प्रचलन छ। नेप्से भवनअगाडि बनाइने हस्त निर्मित पितलको बुल निर्माणका लागि इच्छुक बोलपत्रदाताले आउँदो जुन २१  सम्म टेन्डर भर्न सक्नेछन्। बोलपत्र फाराम नेप्सेको वेबसाइटमा उपलब्ध गराइएको छ।

सूचनामा बोलपत्रदाताले बोली सुरक्षाका लागि २ लाख २५ हजार रुपैयाँ र डकुमेन्टका लागि ३ हजार रुपैयाँ जम्मा गर्न भनिएको छ। इच्छुक बोलपत्रदाताले कमलादीस्थित ग्लोबल आइएमईमा बैंकमा नेप्सेको खाता (खाता नं. ७५०१०१००००७७५) मा उल्लेखित रकम जम्मा गर्न भनिएको छ। बोलपत्रदाताले टेन्डरबारे थप जानकारी नेप्से कार्यालय वा बोलपत्रको वेबसाइटबाट लिन सक्नेछन्।