काठमाण्डौ । नेपाल स्टक एक्सचेन्ज (नेप्से) मा नवराज थापाको अध्यक्षतामा कर्मचारी ट्रेड युनियन गठन भएको छ। 

नेप्सेमा ‘नेप्से कर्मचारी संघ’ को नाममा ट्रेड युनियन गठन भएको हो। गत पुस ३० गते भएको नेप्सेका कर्मचारीहरुको भेलाले ट्रेड युनियन गठन गर्ने निर्णय गरेको थियो। सोही निर्णयबमोजिम श्रम तथा रोजगार कार्यालयमा गत चैत १६ गते नेप्से कर्मचारी संघको नाम ट्रेड युनियन गठन गरिएको हो।

संघको उपाध्यक्षमा मना भुसाल, सचिवमा रमेशप्रसाद लामिछाने र कोषाध्यक्षमा सावित्रा केसी छन्। संघका आकृति दंगाल, नितुकुमारी यादव र कृपा श्रेष्ठ सदस्य छन्।