काठमाण्डौ । छिमेकी मुलुक भारतमा कोरोनाको दोस्रो लहर भुसमा आगोझैँ फैलिरहेको छ। 

पछिल्लो २५ घन्टाको तथ्यांकले भारतमा कोरोना संक्रमणको मामिला दिनप्रतिदिन भयावह बन्दै गएको प्रस्ट हुन्छ। भारतको स्वास्थ्य मन्त्रालयका अनुसार पछिल्लो २४ घन्टामा भारतमा थप ३ लाख ४९ हजार ६९१ जनामा कोरोना संक्रमण पुष्टि भएको छ। यो हालसम्मकै एक दिनको उच्च आँकडा पनि हो।

भारतमा हालसम्म १ करोड ६९ लाख ६० हजार १७२ जना संक्रमित भइसकेका छन्।

यसैगरी पछिल्लो २४ घन्टाको अवधिमा भारतमा थप २ हजार ७६७ जनाको मृत्यु भएको छ। योसँगै भारतमा कोरोनाबाट ज्यान गुमाउनेको संख्या १ लाख ९२ हजार ३११ पुगेको छ। 

एक दिनअघि भारतमा ३ लाख ४६ हजार ७८६ जना संक्रमित भएका थिए भने २ हजार ६२४ जनाको मृत्यु भएको थियो। – एजेन्सी